Trátase de dividir os eixos nun número de partes iguais e trazar os segmentos que unen os vértices coas divisións respectivas, como indican as seguintes imaxes. Como é lóxico, cantos máis puntos da elipse obteñamos, máis vai corresponder a curva que tracemos cunha elipse real.
Na fronteira entre o debuxo técnico e o artístico, entre a imaxe fixa e a imaxe en movemento, entre a imaxe plana e a tridimensional, chega o momento de intentar debuxar un túnel do estilo destes:
Nesta ligazón tedes un tutorial que pode ser de axuda para debuxalo, aínda que non me parece o método máis fiable para principiantes.
Para construír redes modulares o punto de partida é debuxar un módulo, que é un elemento que se vai repetir por toda a rede (é o único elemento dela) usando varias transformacións:
No seguinte caso temos xa a combinación de dúas simetrías axiais. Estes catro módulos poderíamos consideralos agrupados para usalos logo como un supermódulo.
Os dous debuxos que seguen corresponden a dúas redes modulares construídas coas transformacións que xa indicamos a partir dun módulo simple:
Hai un truco moi sinxelo para construír redes con outro aspecto a partir dunha grella que pode ser cuadrada, rectangular, triangular, hexagonal...
Se vos gusta moito este asunto e queredes ampliar información, nesta dirección tedes unha presentación bastante completa, da que -como veredes- saquei varias imaxes
Para xirar calquera polígono un ángulo calquera en torno ao centro de xiro "O" hai que seguir o seguinte procedemento xeral:
1. Unir os vértices do polígono co punto O.
2. Trazar un arco que vai cortando as liñas de unión do centro cos vértices.
3. Copiar o ángulo de xiro para situar os puntos de corte xirados.
4. Unir o centro de xiro cos puntos de corte xirados, e prolongar a liña.
5. Trazar arcos, con centro en O, desde cada vértice do polígono inicial até que corten as liñas do punto 4. Eses puntos en que os arcos cortan as liñas son os vértices do polígono xirado.
O xiro pode ser dextróxiro (no sentido das agullas do reloxo) ou levóxiro (no contrario).
Póñovos estas imaxes como recordatorio de como se constrúen...
... os ovoides coñecendo os eixos maior e menor
... os óvalos regulares coñecendo o eixo maior
1. Trazamos o lado, cuxos extremos son A e B, e prolongamos cara á dereita do punto B.
2. Trazamos a mediatriz do lado (xa explicamos como se fai). O punto no que a mediatriz corta o lado é o punto O.
3. Facemos unha perpendicular ao lado polo punto B.
4. Trazamos un arco con centro en B e que teña como radio a lonxitude do lado. Imos facer un arco que sexa case media circunferencia.
5. O punto no que este arco corta a perpendicular ao lado é o punto F.
6. Trazamos un arco con centro en O e con radio a distancia entre O e F, de xeito que corte a prolongación do lado. O punto de corte é o punto G.
7. Trazamos un arco con centro en A e con radio a distancia entre A e G, de xeito que corte o arco que trazamos no paso 4. Ese punto de corte é o punto C e é o terceiro vértice do pentágono.
8. Se prolongamos o arco que trazamos no paso 7 ata que corte a mediatriz obtemos o punto D, que é o cuarto vértice do pentágono.
9. Tomamos co compás a lonxitude do lado e facemos un arco con centro en D e outro con centro en A, de xeito que se corten no punto E. Ese é o quinto vértice do pentágono.
10. Unindo os vértices entre si obtemos o pentágono a partir da lonxitude do lado.
.jpg)
