ÓVALOS E OVOIDES

Póñovos estas imaxes como recordatorio de como se constrúen...
... os ovoides coñecendo os eixos maior e menor

... os óvalos regulares coñecendo o eixo maior

... os óvalos regulares coñecendo o eixo menor

CONSTRUCIÓN DUN PENTÁGONO A PARTIR DO LADO

Póñovos un vídeo de YouTube onde o explican


Se preferides fixar unha soa imaxe:

Como o debuxamos?

1. Trazamos o lado, cuxos extremos son A e B, e prolongamos cara á dereita do punto B.

2. Trazamos a mediatriz do lado (xa explicamos como se fai). O punto no que a mediatriz corta o lado é o punto O.

3. Facemos unha perpendicular ao lado polo punto B.

4. Trazamos un arco con centro en B e que teña como radio a lonxitude do lado. Imos facer un arco que sexa case media circunferencia.

5. O punto no que este arco corta a perpendicular ao lado é o punto F.

6. Trazamos un arco con centro en O e con radio a distancia entre O e F, de xeito que corte a prolongación do lado. O punto de corte é o punto G.

7. Trazamos un arco con centro en A e con radio a distancia entre A e G, de xeito que corte o arco que trazamos no paso 4. Ese punto de corte é o punto C e é o terceiro vértice do pentágono.

8. Se prolongamos o arco que trazamos no paso 7 ata que corte a mediatriz obtemos o punto D, que é o cuarto vértice do pentágono.

9. Tomamos co compás a lonxitude do lado e facemos un arco con centro en D e outro con centro en A, de xeito que se corten no punto E. Ese é o quinto vértice do pentágono.

10. Unindo os vértices entre si obtemos o pentágono a partir da lonxitude do lado.

UNHA BANDA DESEÑADA DE REFERENCIA

Pónovos aquí unha ligazón á banda deseñada The Long Tomorrow, que é considerada a banda deseñada máis influínte no xénero de Ciencia-Ficción.

XIGANTE FAMENTO

Póñovos outra foto que trata do mesmo cá entrada doutro ano sobre o Tuttomondo de Keith Haring e fala de intervencións artísticas na rúa mediante graffiti coa intención de darlle algunha utilidade a paredes pouco agradables á vista.

EXAME DE SETEMBRO

Póñovos unha LIGAZÓN A UNHA ENTRADA ANTIGA para que vos fagades unha idea, os que deixades a materia para setembro, das cousas que podo preguntarvos no exame.

O CONTEXTO E O SIGNIFICADO

Faleivos o primeiro día de como o significado depende moito do contexto. Mencionei tamén o 'Cuadrado negro' de Malévich. Póñovos aquí unha ligazón na que falan deste cuadro e da importancia do contexto.

Déixovos tamén aquí un sinxelo esquema sobre os elementos básicos do proceso comunicativo, básico en calquera arte:

CORRENTES ARTÍSTICAS

Eis unha imaxe que usando o humor dá unha idea bastante boa dalgunhas correntes artísticas: