Non vaias á clase á final do eMove Festival!!! Vótanos!!!

Se queres que a nosa curta "non vaias á clase" pase á fase final do eMove festival fai click na seguinte ligazón
https://www.facebook.com/emovefestival/posts/1358173034331805?hc_location=ufi
e cando abra a nova pantalla dalle a Gústame. Non te vai levar máis tempo que o que te levou ler isto. Hai que facelo antes de que acabe xuño.
Se ademais replicas este texto aos teus amigos aumentarán as posibilidades de que cheguemos á final.
Grazas!!!

CATRO IMAXES CON DISTINTO GRAO DE ICONICIDADE

Para traballar os graos de iconicidade imos debuxar a seguinte imaxe empregando catro graos de iconicidade crecentes; é decir: a primeira terá o menor grao de iconicidade das catro e a cuarta terá o maior.
A imaxe corresponde ao momento en que Hellen Keller coñeceu a Charles Chaplin. Este episodio é ben telo na memoria. En inglés, aquí.

MÉTODO XERAL POLÍGONOS REGULARES

O método xeral para trazar o polígono regular, de calquera número de lados, inscrito nunha circunferencia tédelo explicado nesta ligazón. Nunha imaxe, tédelo xa aquí.
Como debedes recordar, trázase de dividir a circunferencia nun número de partes iguais ao número de lados do polígono, e logo unir esas divisións.

Premios Olloboi

Nesta ligazón tedes a noticia no blog da nosa curta.

DESEÑO DE REPRESENTACIÓNS GRÁFICAS DE MARCAS

En canto ao deseño de representacións gráficas para marcas, hai varias posibilidades que debemos coñecer para escoller a que prefiramos. Simplificando moito, podemos establecer catro modalidades:
- Logotipo: consta só de texto. Exemplo: Google.
- Isotipo: consta só de imaxes. Exemplo: Apple.
- Imagotipo: está formado por texto e imaxes ou gráficos claramente diferenciados. Exemplo: Microsoft.
- Isologo (ou isologotipo): está formado por texto e imaxes ou gráficos acoplados. Exemplo: Intel

En todo caso, sexa cal sexa a modalidade que escollamos, soe chamárselle logotipo (ou logo) a calquera deles.

Ao deseñar un logotipo o máis importante é pensar cales son as características principais que ten que reunir:
- Apropiado: unha tenda de larpeiradas e unha funeraria non deberían ter logos parecidos, xa que cada un debe ser apropiado ao tipo de organización ao que corresponde, e será un elemento fundamental á hora de comunicar os seus valores e propósitos.
Ao deseñalo, hai que ter en conta especialmente as características do mercado ao que nos diriximos, xa que ao deseñar un logotipo non deberíamos pretender que gustase igualmente a mulleres de 70 anos que a rapaces de 10, por exemplo.
- Memorable e Recoñecible: O mercado ten que ser capaz de recordar o teu logo e, sobre todo, de recoñecelo e asocialo á túa organización ou empresa.
- Escalable: debe ser apropiado para reproducilo a calquera tamaño.
- Flexible: debe poder adaptarse a todos os medios de comunicación audiovisuais, impresos (tanto en branco e negro como a cor) e dixitais. Tamén ás tarxetas de visita, automóbiles, lonas publicitarias, prendas de vestir, etc.
- Simple: Canto máis simple é unha imaxe, é máis memorable, reproducible e flexible. Ademais, é máis barato. Neste sentido, os logotipos deberían tender a usar imaxes con baixo grao de iconicidade.
- Diferenciador: debe servir para diferenciarnos da competencia.
- Duradeiro: as grandes compañías soen cambiar de logotipo, pero non o fan continuamente. Un logo debe ser deseñado para usalo polo menos durante dez anos.

Outro aspecto moi importante ao deseñar os logos é a cor predominante nel. De maneira inconsciente, as cores transmítennos cualidades que podemos asociar á nosa empresa ou organización se as empregamos para o noso logotipo:
- Marrón: Estabilidade / Confort.
- Violeta: Feminidade / Luxo.
- Amarelo: Felicidade / Estimulación.
- Verde: Naturalidade / Harmonía.
- Azul: Tranquilidade / Profesionalidade.
- Laranxa: Enerxía / Creatividade.
- Vermello: Poder / Paixón.

Se queredes ampliar información, nesta web tedes moitísimos consellos para todos os pasos do proceso de creación dun logotipo. Esta outra web trata o tema dun xeito distinto, pero tamén moi completo.

GRAOS DE ICONICIDADE

Chamamos imaxe á representación dunha parte da realidade.

En calquera imaxe debemos aprezar o grao de semellanza que ten con aquilo que representa: se é moito, diremos que ten un alto grao de iconicidade e baixo se a semellanza é pouca.

Non todos os medios de representación de imaxes captan o mundo exterior co mesmo grao de iconicidade. Por exemplo, unha cámara de fotos rexistra a realidade moi fielmente, sobre todo se o fai en cor, pero a súa iconicidade é menor cá do cinema, que ademais representa o movemento e o son. Calquera debuxo terá un grao de iconicidade menor cós medios citados anteriormente.

Dentro da historia da pintura, tense representado a realidade con graos de iconicidade moi distintos; velaquí tedes dous exemplos:

 


Sabes o nome dos autores destes dous retratos?
Cal ten un grao de iconicidade maior?

Abraham Moles intentaou plasmar na seguinte táboa os diferentes niveis de iconicidade posibles:

Outra clasificación, menos completa pero máis fácil de entender, tédela a seguir:

DIFERENCIA ENTRE SIGNOS, SÍMBOLOS E ICONAS

Signo

É unha unidade capaz de trasmitir contidos representativos, é decir, é un obxecto material, chamado significante, que se percibe grazas aos sentidos e que no proceso comunicativo é portador dunha información chamada significado. Calquera letra, por exemplo, é un signo, ou calquera palabra aínda que non estea escrita.

Símbolo

Cando un signo non só informa dun significado, senón que evoca ademais valores e sentimentos, representando ideas abstractas dunha maneira metafórica ou alegórica, coñécese como símbolo. Unha letra a, en principio, non é un símbolo, pero un A dentro dun círculo si, porque fai referencia a determinados sentimentos ou ideas políticas, ou a bandeira dun territorio. Unha cruz ou unha estrela de seis puntas son símbolos por todos os sentementos e valores asociados a elas.

Icona

(do grego εἰκών, eikon: ‘imaxe’) é unha imaxe, cadro ou representación; é un signo que substitúe o obxecto ao que fai referencia mediante a súa significación, representación ou por analoxía. Para que un signo sexa unha icona é necesario que sexa unha imaxe composta e que faga a función de substituír ao seu referente, como por exemplo as iconas dos distintos programas nos escritorios dos computadores que serven para acceder a eles. 

BANDA DESEÑADA, 1º DE E.S.O.

Este traballo componse de 4 máis pequenos, que hai que facer na orde en que se indica:

2.05.- Argumento (que ocupe unha 1 páxina) da historia que se vai desenvolver na banda deseñada. A temática da historia é totalmente libre; pode ser orixinal ou unha adaptación.

2.06.- Guión desenvolvido (nun mínimo de 20 viñetas, máis o título). 

          Para cada viñeta hai que indicar:

- "Viñeta nº X"

- Descrición da imaxe que se ve na viñeta (indicando tamén o tipo de plano que é)

- Texto dos personaxes e do narrador, se os hai.

Evidentemente, para facer o guión é necesario ter feito antes o argumento.

2.07.- Reparto do espazo: Imos encaixar as viñetas (mínimo 20, máis o título) en, exactamente, 3 folios. Dependendo da acción que transcorrra en cada viñeta e de como vaiamos de espazo (cantas viñetas quedan por debuxar e canto espazo resta), deberá ocupar máis espazo ou menos na páxina.

Loxicamente, para facer o reparto do espazo temos que saber as viñetas que compoñen a historia e que ocorre en cada unha. O reparto realizarémolo nun folio divivido en 4 partes, ocupando tres delas (cada unha das partes representa unha carilla na que imos debuxar o comic).

2.08.- Banda deseñada debuxada e pintada, cos textos nos seus globos correspondentes, etc., seguindo as indicacións do guión.

Está claro que para isto é necesario ter feito o guión con anterioridade e o reparto do espazo, para delimitar o espazo no que temos que debuxar cada viñeta.

Póñovos o link dun ano anterior que fala un pouco máis polo miúdo do traballo, tendo en conta que neste ano o número de viñetas son 20 máis o título e que teñen que ocupar tres carillas.