Algúns exemplos de portadas de libros

 Para veres as portadas con máis detalle, fai clic sobre elas.

Impresionante grao de iconicidade

... o que posúe esta figura da porta de Zamo Tamay, no número 14 da Rúa Nova de Arriba de Santiago de Compostela.
De feito, é moi frecuente escoitar a xente que pasa dicir "pensei que era unha persoa de verdade", "sempre penso que é un peregrino" e outras cousas polo estilo.
Aí segue, ano tras ano, co seu grao de iconicidade intacto.

Unha fotografía de concurso sobre lectura obxectiva e subxectiva de imaxes

 

Hai uns días a fotografía que encabeza estas liñas -obra do ribeirense Manuel Iglesias, Lesmes- foi seleccionada para representar a España na World Photographic Cup.
Se queres saber máis sobre ela, podes ler ESTA NOTICIA do Diario de Arousa.
En todo caso, podes facer a súa lectura subxectiva e obxectiva sen necesidade de ler a noticia...

Sobre a lectura obxectiva de imaxes:
https://www.slideshare.net/enplastica/la-lectura-objetiva-de-imagenes

Sobre a lectura obxectiva e subxectiva de imaxes:
https://oscarenfotos.com/2016/02/15/lectura-fotografica-lo-objetivo-y-lo-subjetivo/

SIMBOLISMO DAS CORES

O simbolismo das cores varía moito dunha cultura a outra e mesmo, dentro dunha mesma cultura, pode variar moito dunhas épocas a outras. 

Nesta imaxe tedes un resumo das referencias naturais e do significado dalgunhas cores:

Nas seguintes webs tés unha pequena descrición do simbolismo das diferentes cores:

Branco, negro e gris

Amarelo, vermello, laranxa e azul

Violeta, verde e marrón

Nesta outra web tedes outro punto de vista: SEGUIR LIGAZÓN

Se queredes ver a aplicación das distintas cores para as estancias dunha vivenda podedes seguir esta outra.

E se queredes coñecer máis a fondo o tema, aínda vos deixo unha máis.

CORES FRÍAS E CORES CÁLIDAS

Resumindo moito, podemos decir que as cores cálidas son as que transmiten sensación de calor e as frías as que transmiten sensación de frío. 

O problema é que esta simplificación é moi subxectiva.

CORES CÁLIDAS

A maior parte das cores cálidas (falando de cores pigmento) obtéñense ao mesturar maxenta e amarelo. Polo tanto todos os vermellos, laranxas, amarelos e rosas son cores cálidas. 

Porén, hai outras cores que tamén son cálidas. 

Ao mesturar as tres cores pigmento primarias, dependendo da proporción, podemos obter marróns, que son tamén cores cálidas.
Ao mesturar amarelo cun chisco de cyan podemos obter amarelos verdosos, que son tamén cores cálidas, e ao mesturar maxenta cun chisco de cyan podemos obter determinadas tonalidades de violeta que tamén se poden considerar cálidas. 

Nestes dous casos, para decidir se unha cor é fría ou cálida, debemos pensar se nos parece máis próxima ao cyan ou máis próxima ao amarelo ou ao maxenta, respectivamente.

CORES FRÍAS

Simplificando moito, as cores frías son todas as azuis e verdes, e algunhas tonalidades de violeta, se as percibimos máis póximas ao cyan que ao maxenta.

Nesta web tedes unha explicación máis extensa.

A sensación térmica das cores (se son frías ou quentes) inflúe moito no seu simbolismo, do cal falamos NESTE OUTRO POST.

CONSTRUCIÓN DO POLÍGONO REGULAR INSCRITO NUNHA CIRCUNFERENCIA (MÉTODO XERAL)

 

1. Trazar o diámetro da circunferencia.

2. Dividilo en tantas partes iguais como número de lados teña o polígono que queremos inscribir nela (se é un eneágono, por exemplo, dividímos o diámetro en 9 partes iguais)

3. Trazar a circunferencia, tomado o seu radio co compás (a metade do diámetro) e pinchando no punto medio do diámetro que trazamos previamente.

4. Collemos co compás a medida do diámetro e trazamos un arco pinchando en P (ver imaxe) e outro arco pinchando en A, de xeito que se corten no punto Q.

5. Trazamos a recta que pasa polo punto Q e pola SEGUNDA división que fixemos do diámetro, e prolongamos ata que corte a circunferencia do outro lado do diámetro. Así encontramos o punto B.

6. A distancia que hai entre A e B é a medida do lado do polígono inscrito. Collémola co compás e imos levándoa sobre a circunferencia, pinchando en B, logo en C, en D, etc.

7. Cando temos situados todos os vértices do polígono, unimos cada un deles co seguinte.

CONSTRUCIÓNS XEOMÉTRICAS BÁSICAS (I)

PASO A PASO: EU FICO NA CASA

DEBUXO DUN CADRO PASO A PASO

Sempre que se realiza un traballo de creación (pode ser literario, audiovisual, tecnolóxico ou do tipo que sexa), se queremos que saia o mellor posible convén ir do xeral ao detalle.
Leandro Lamas, co que xa traballamos, puxo estas trece imaxes para que vexamos como constrúe a imaxe final que vemos.
O que imos facer nós é copiar o cadro, indo paso a paso até completar a imaxe. Ao terminar, se queredes engadir algo, será estupendo, e finalmente teredes que darlle cor.
Se queredes ver as imaxes con máis calidade, facede click nelas.

TRABALLO PARA O PERÍODO COMPRENDIDO ENTRE O 16 E O 27 DE MARZO

O traballo que tedes que facer é terminar o que comezamos o último día que tivemos clase. Haberá que entregalo o primeiro día que teñamos clase de novo.
Na seguinte entrada do blogue de Plástica (seguir ligazón) tedes explicado en que consiste, por se non o lembrades. Usade a plantilla que vos dei para escribir a historia (mellor a lapis, por se hai que facer trocos!!!) e non esquezades facer boa letra.
As dúbidas que teñades podedes consultarmas no meu correo envilope@edu.xunta.es

Non vaias á clase á final do eMove Festival!!! Vótanos!!!

Se queres que a nosa curta "non vaias á clase" pase á fase final do eMove festival fai click na seguinte ligazón
https://www.facebook.com/emovefestival/posts/1358173034331805?hc_location=ufi
e cando abra a nova pantalla dalle a Gústame. Non te vai levar máis tempo que o que te levou ler isto. Hai que facelo antes de que acabe xuño.
Se ademais replicas este texto aos teus amigos aumentarán as posibilidades de que cheguemos á final.
Grazas!!!

CATRO IMAXES CON DISTINTO GRAO DE ICONICIDADE

Para traballar os graos de iconicidade imos debuxar a seguinte imaxe empregando catro graos de iconicidade crecentes; é decir: a primeira terá o menor grao de iconicidade das catro e a cuarta terá o maior.
A imaxe corresponde ao momento en que Helen Keller coñeceu a Charles Chaplin. Este episodio é ben telo na memoria. En inglés, aquí.

MÉTODO XERAL POLÍGONOS REGULARES

O método xeral para trazar o polígono regular, de calquera número de lados, inscrito nunha circunferencia tédelo explicado nesta ligazón. Nunha imaxe, tédelo xa aquí.
Como debedes recordar, trázase de dividir a circunferencia nun número de partes iguais ao número de lados do polígono, e logo unir esas divisións.

Premios Olloboi

Nesta ligazón tedes a noticia no blog da nosa curta.